Құрметті БАҚ өкілдері: журналисттер, редакторлар, блогерлер, фотографтар, операторлар. Central Asia Fashion халықаралық сән көрмесіне қызығушылық танытқандарыңыз үшін алғысымызды білдіреміз.
Іс-шараға қатысу үшін АЛДЫН АЛА аккредитациядан өтулеріңізді сұраймыз.
Аккредиттелген журналисттер «Баспасөз» белгісі бар төсбелгіні, пресс-релизді және іс-шараның басқа да ақпараттық материалдарын, сондай-ақ көрме жұмыс істеп тұрған кез келген күні көрмені тамашалау мүмкіндігіне ие болады. Аккредиттеу парағын толтыру кезінде сарапшылармен, дизайнерлермен, көрме басшыларымен немесе қатысушылармен сұхбат ұйымдастыру қажеттілігі туралы көрсету керек.
Аккредиттеу жарияланымдарда, репортаждарда немесе сюжеттерде Central Asia Fashion көрмесінің немесе іс-шараны ұйымдастырушы - Сatexpo компаниясының атауы көрсетілген жағдайда беріледі.
Бизнес-конференцияның post материалдарын пайдалану кезінде дереккөзді көрсету керек: Central Asia Fashion бизнес-конференциясы. Фотосуреттерді пайдаланған кезде: Central Asia Fashion баспасөз қызметін көрсету керек.
Материалдарға барлық эксклюзивті құқықтар CAF сән көрмесінің ұйымдастырушыларына тиесілі. Фотосуреттерге барлық құқықтар авторлық құқық және сабақтас құқықтар туралы қазақстандық және халықаралық заңнамамен қорғалған.